CAGAYAN DE ORO CITY, Philippines – Gideklarar na sa Commission on Elections (Comelec) ang 403 ka mga lugar isip areas of concerns alang sa nagkaduol nga Mayo 2025 nga pili-ay.
Sa gilusad nga press conference sa Camp Crame, gibutyag ni Comelec Chairman Atty George Erwin Garcia ang 38 ka lugar nga gipaubos sa Red Category.
Kini nagpasabot nga dunay seryoso nga bahad sa mga armadong pundok ug kasaysayan sa election related violance ang maong mga lugar.
Anaa sa 177 ka lugar ang gipaubos sa orange category, kundiin, dunay nga mga seryosong armed threats ang nalista sa poll body.
Mukabat sa 188 ka lugar ang gipailawom sa Yellow Category, kung asa dunay narehistro nga kasaysayan sa election related incidents ang ahensya.
Hinoon, anaa sa 1,239 ka lugar sa Pilipinas ang gibutang sa Green Category gumikan sa kahapsay o walay natala nga krimen panahon sa piliay.
Ania ang mga lugar nga gipaubos sa RED, ORANGE, ug YELLOW Category:
RED:
Usa ka lugar sa Bangsamoro Autonomous Region in Muslim Mindanao (BARMM)
Duha ka lokalidad sa Cagayan Valley
Duha ka lugar sa Bicol Region.
ORANGE:
48 ka lugar sa Bicol Region
22 sa BARMM
17 sa Caraga
16 sa Central Visayas
15 sa Cagayan Valley
13 sa Eastern Visayas
12 sa Mimaropa
11 sa Soccsksargen
9 sa Western Visayas
8 sa Northern Mindanao
3 sa Zamboanga Peninsula
1 sa Central Luzon,
1 sa Calabarzon
1 sa Cordillera Administrative Region (CAR).
YELLOW:
49 sa BARMM
22 sa Northern Mindanao
19 sa Ilocos
18 sa Zamboanga Peninsula
13 sa Central Luzon
13 sa Eastern Visayas
11 sa Caraga
10 sa CAR
9 sa Cagayan Valley
7 sa Calabarzon,
7 sa Western Visayas
7 sa Central Visayas
2 sa Soccsksargen
1 sa Mimaropa
Ubos sa Resolution No. 10999, ang Comelec en banc mitakda sa election period sa Enero 12 kutob Hunyo 11, 2025.
Ang mga balaod nga ipatuman panahon sa election period langkoban sa Nationwide Gun Ban, ug PNP Checkpoints.
Walay labot sa maong ban ang mga miyembro sa PNP, AFP ug tanan indibidwal nga hatagan sa exemption, sama sa mga state prosecutors ug huwes.
Ang 90 dias nga kampanya alang sa senador ug partylist representatives magsugod sa Pebrero 11 hangtud Mayo 10.
Samtang ang lokal nga mga kandidato mangampanya sugod Marso 28 kutob Mayo 10.
