CAGAYAN DE ORO CITY – Gikompirmar ni Bukidnon Provincial Police Office Director Roel Lamiing nga milusad sa “military airstrike” ang 403rd Brigade batok sa rebeldeng New Peoples Army nga nakabase sa Bukidnon.
Unang miliugwa ang report nga dunay mihagsa nga abyon sa bukid nga bahin sa Valencia City apan dili pa kini makompirmar sa kapulisan.
Hinoon, gihupay ni Lamiing ang kabalaka sa mga residente sa Impasug-ong ug Valencia tungod kay nahitabo ang airstrike sa lasang nga bahin sa duha ka dapit.
