CAGAYAN DE ORO CITY-Nadugangan pa ang mga kandidato magpapili sa nagkadaiyang posisyon sa upat ka distrito sa lalawigan sa Bukidnon.
Kini human unang nakaduso na sa iyang kandidatura si Gov Jose Maria Zubiri aron subli magpapili sa ikaduhang termino sa midterm elections sunod tuig.
Miingon si Bukidnon Provincial Election Supervisor Atty Stalin Baguio nga midagan isip independente sila si kanhi Gov Alex Calingasan ug Gordon Torres alang sa pagka-bise gobernador.
Nagpapili usab ang mga kabanay ni Zubiri nga sila si Malaybalay City Mayor Iñaki Zubiri ug Manuel Zubiri alang sa pagka-kongresista sa lain-laing distrito sa Bukidnon.
Gawas niini,walo ka kandidato pagka-sangguniang panlalawigan members sa maong probinsya.
