Misaka sa 42 ka mga barko ang nasanta sa mga sundalo sa Amerika, alang sa ilang nagpadayong blockade sa pantalan sa Iran ug sa Strait of Hormuz.
Gibutyag sa U.S. Central Commander Brad Cooper nga dakung kalampusan kini alang sa ilang kasundaluan kay nababagan nila ang economic commerce sa Iran pinaagi sa pagpahunong sa ilang mga barko nga kargado sa mga lana.
Sa pagkakaron, 41 ka tanker ang stranded nga nagdala sa gibana-bana 69 milyon ka bariles sa lana, o matandi sa 6 bilyon dolyares nga kinitaan sa Iran.
