CAGAYAN DE ORO CITY – Gikompirmar sa Department of Health o DoH-10 nga nadugangan ang ihap sa mga namatay tungod sa sakit nga dengue sa Northern Mindanao.
Si DoH-10 assistant regional director Dr. David Mendoza miingon nga misaka na sa 44 ang patay nga ilang natala gikan sa 11,220 nga nagpositibo sa maong makamatay’ng sakit.
Apan gitin-aw ni Mendoza nga mas ubos ang maong ihap kun itandi sa miaging tuig nga mitala sa kapin 50 ang patay.
Dugtong niini, gihupay ni Mendoza ang gibating kabalaka sa publiko sa paspas nga pagsaka sa nagpositibo sa maong balatian.
