Gipadayag ni DPWH Programming Division Chief Peter Paul Cortes nga adunay 444 ka proyekto nga nagkantidad og P27.43 bilyon nga gi-tag sa kanhi House Speaker nga si Martin Romualdez.
Mitestigo si Cortes nga walay bisan usa niini nga mga proyekto ang nalakip sa National Expenditure Program (NEP) ug Annual Budget Proposal (ABP).
Giingon usab niya nga ang mga maong proyekto mipakita lamang sa General Appropriations Act (GAA) 2025 bisan wala kini moagi sa normal nga proseso sa Department of Public Works and Highways (DPWH).
Gipunting sa iyang testimonya ang posibleng kalainan tali sa orihinal nga budget documents ug sa pinal nga bersyon nga naaprobahan sa Kongreso.
Nagpabilin nga sentro sa diskusyon ang maong mga proyekto samtang gipadayon ang pag-susi sa ilang paglakip sa 2025 national budget.
