Misaka pa sa 45 ka tawo ang natalang samaran sa grabeng pagbusikad sa istasyon sa gas sa Via Goriani, Presnestino District, Sidlakang Rome.
Lakip sa milanding sa balaytambalanan ang 12 police officers, unom ka bombero, ug tolo ka emergency rescuers nga unang miresponde sa unang pagbusikad.
Duha ang natala nga talandugon ang kahimtang, usa ang anaa sa life support, ug 6 ang giklasipikar nga anaa sa “code red” ang kinabuhi human mahitabo ang ikaduha ug pinaka-grabeng pagbusikad.
Gideklarar sa lokal nga kagamhanan sa Rome kini nga adlaw isip pinaka-ngilngig nga adlaw sa ilang health care system tungod sa pag -isa sa pinakataas nga lebel sa medical emergency, sa tibook kasaysayan sa Italia.
Nabalaka ang mga otoridad nga musaka pa ang samaran samtang sila mulusad sa clearing operation.
Unang gitumbok sa imbestigasyon nga ang pagbusikad nagsumikad sa pag-unload sa liquefied petroleum gas (LPG) sa usa ka gasolinahan sa Prenestino district sa Roma, kundiin, duha ka managsunod nga pagbusikad ang nahitabo ug kini milanog halos sa tibook syudad.
