CAGAYAN DE ORO CITY– Gimando na ni Police Regional Office 10 Dir Brig Gen Rafael Santiago ang pagsuspenso sa 45 day motorcycle course sa PNP sa Northern Mindanao.
Kini ang gibutyag ni PRO-10 spokesperson Police Lt. Colonel Surki Serenias sa Bombo Radyo.
Tumong sa pagsuspenso sa kurso mao ang paghatag imbestigasyon sa nahitabong pagkadisgrasya ni Cagayan de Oro City Police Director Colonel Nelson Aganon.
Dumduman nga milanding sa intensive care unit (ICU) si Aganon tungod sa nahiagoman pagdugo sa iyang utok ug pagkabun-og sa iyang dughan mabunal sa iyang gihimong final pre-jump activity didto sa Kampo Alagar.
