PC:Trejann Noli
CAGAYAN DE ORO CITY-Naugdaw ang daghang mga pinuy-anan nga iya sa 45 ka pamilya nga nahimutang sa Accreation Area, Brgy Macabalan ning syudad kaganihang hapon.
Gitumbok ni SFO1 Dennis Dalis, chief investigator sa Bureau of Fire Protection o BFP-City District nga nagsumikad ang kalayo sa pinuy-anan ni Hilario ‘Caloy’ Alejanio, minyo ug nagbaton sa napulo ka anak sa maong lugar.
Bana-bana nga anaa sa 300-mil pesos ang structural damage atol sa maong sunog.
Naangol usab ang residente nga si Luare Yamson gumikan sa maong sunog.
Samtang gihimutang ang dul-ag 50 ka pamilya nga nasunugan sa ilang mga pinuy-anan sa covered court sa Macabalan Elementary School.
Kini samtang kamulo nga gipangitaa’g paagi sa mga opisyal sa brgy nga mahatagan sa ayudang pinansyal alang sa mga biktimang pamilya.
Miingon si Kag Ramil Belatero nga may mando na si Macabalan Brgy Kap Norbel Saa nga dili pasagdan ang mga biktima ilabina sa ilang pagkaon ug pipila ka kagamitan samtang anaa sila sa maong tunghaan.
