CAGAYAN DE ORO CITY – Ipadala ni City Mayor Oscar Moreno ang 45 ka personahe sa City Disaster Risk Reduction and Management Dept o CDRRMD padulong sa Davao ug Cotabato Provinces.
Kini aron mangunay pagtunol sa mga trapal ug tubig-mainom nga nag-unang gikinahanglan sa mga biktima sa linog sa maong mga lugar.
Miingon si City administrator Teddy Subagaa nga gamiton usab sa CDRRMD ang ilang water tanker aron makatabang sa kakulang sa tubig alang sa mga biktima.
Dad-on usab sa mga personahe sa CDRRMD ang cash donation sa city council ug city hall employees nga balor 2.3 milyon pesos nga i-agi sa regional incident management team.
