Dili muminos sa 45 ka mga Palestino ang napatay sa sunod-sunod nga mga pag-atake sa Israel, kagahapon.
Sumala sa mga lokal nga tinubdan, ang Israeli nga mga eroplano ang mitira sa missile padulong sa mga tolda nga gipuy-an sa mga displaced nga tawo sa al-Mawasi, kasadpang bahin sa Khan Younis.
Napuno sa kalayo ang daghang mga tolda samtang naghilak ug nagsinggit ang mga kababayen-an ug kabataan sa kasakit.
Usa ka doktor ug ang iyang tulo ka anak ang apil sa 17 nga napatay sa airstrike sa Israeli Defense Force.
Sa Gaza City, 15 pa ka tawo ang napatay sa lain-laing mga airstrike, samtang upat ang nakalas sa mga balay nga gitarget sa Bureij ug Maghazi refugee camps.
Sa Rafah, siyam ka tawo ang nagbuy-od duol sa usa ka U.S.-backed aid center.
Ang kinatibuk-ang ihap sa mga napatay sa Gaza sukad nagsugod ang gubat niadtong Oktubre 2023 miabot na sa kapin 57,000 ka tawo, kundiin kadaghanan niini mga kababayen-an ug kabataan.
Sunod semana, gi-anunsyo sa Israel ug Estadus Unidos ang pagtagbo sa ilang kadagkuan aron pormahon ang laing hugna sa ceasefire ug pagbinayluay sa mga bihag.
