CAGAYAN DE ORO CITY – Mitala sa 452 ka akusado sa pagbaligya ug paggamit sa illegal nga droga sa Northern Mindanao ang konbiktado sa nagkadaiyang korte sa tuig 2024.
Kini ang gitaho ni Philippine Drug Enforcement Agency 10 Regional Director Atty. Benjamin Gaspi kabahin sa ilang kampanya batok sa illegal nga droga sa rehiyon.
Miingon si Gaspi nga ang maong ihap sa pagka-konbikto pinaagi sa gipatuman nga programa sa korte suprema nga plea bargaining agreement.
Siya miingon nga 235 niini gikan sa Cagayan de Oro ug wala pa’y labot niini ang nag-inusara nga pagka-konbikto pinasubay sa merito sa kaso.
Mitala usab sa 81 ka pagka-bikto sa mga akusado ang Bukidnon;54 ang Iligan City;managsama nga tag-38 sa Misamis Oriental ug Misamis Occidental samtang unom sa Camiguin.
Nakatala usab ang Bukidnon sa 4 ka nabasura nga kaso ug 3 gikan sa Iligan City.
