Gihulagway sa Save Bangsamoro Movement nga usa ka political optics ug walay lig-ong katarungan ang gipagawas nga taho nga nakaseguro na og 46 ka Members of Parliament ang Bangsamoro Federal Party.
Gipadayag ni Save Bangsamoro Movement Convenor Datu Tokz Bin Abdurrahman nga gipagawas lang ang maong mga numero aron ipakita sa Malacañang nga walay kinahanglang pagpanghilabot human sa hangyo sa MILF alang sa usa ka briefing.
Dugang pa sa opisyal, mas dako ang tsansa nga makig-uban ang Bangsamoro Grand Coalition sa UBJP tungod sa gihisgutang Rainbow Coalition ilawom sa national government.
Busa, gipahayag sa grupo nga kinahanglang ipagawas ang pormal nga listahan ug dokumento aron masayran ang tinuod nga sitwasyon sa pulitika sa rehiyon.
