CAGAYAN DE ORO CITY – Moabot sa 46 ka successful blood donors ang nakuhaan sa ilang mga dugo nunot sa Dugong Bombo New Normal nga gihimo diha sa kapitolyo probinsyal kaganihang buntag.
Kini nga lakang gihimo ni Gov Bambi Emano agi’g suporta sa hiniusang blood letting partnership project sa Bombo Radyo ug city govt sa Cagayan de Oro ubos ni City Mayor Oscar Moreno.
Namahayag si Misamis Oriental Asst Provincial Administrator Carol Lim-Caidic nga moabot sa 90 ka empleyado ang mitubag sa maong proyekto sa Bombo Radyo ug LGU-CdeO pinaagi sa city health office ug city hospital apan 46 lamang kanila ang nakuhaan sa dugo.
Dugtong niini,nagpasalamat gihapon si Caidic sa tanang mitubag sa proyekto nga gitumong pagtabang sa katawhan nga nagkihanglan sa dugo.
Ang nakuha nga 46 ka bags sa dugo ang mapuno sa ilusad nga ika-lima nga Dugong Bombo New Normal nga himoon sa covered court sa Brgy 24 ning syudad ugmang adlawa.
