Notre Dam Cathedral on fire in Paris,France (CTTO)
Gikaguol pag-ayo bisan sa 47-mil ka Pinoy workers ang pagkasunog sa Notre Dam Cathedral nga saksi sa kasaysayan sa pagtoong Kristiyanismo sa Paris,France.
Kini human nakaangkon sa dakong damyos ang Catholic Cathedral sa pag-ulbo sa kalayo samtang gipaubos sa renobasyon ang atop nga bahin niini sa maong lugar.
Miingon ang taga- Cagayan de Oro nga nagpuyo na sa Paris nga si Charlotte Unido Fluery nga nasakitan sila sa nahitabo ilabina nga daghang tuig ang gigahin sa gobierno matukod lamang ang maong simbahan.
Gani,kabahin si Fluery nga kanunay gasulod sa maong simbahan aron mag-ampo ilabina kon may mga bug-at kini nga suliran sa iyang pamilya sa Pilipinas ug trabaho sa Pransya.
Una usab niini,gibutyag sa laing Pinay worker nga si Nelia Casicadan nga taga-Davao region nga gidudahan usab sa mga otoridad nga dunay kalabutan sa semana nga protesta sa katawhan batok gobierno ang pagka-sunog sa simbahan.
Ang pahayag ni Bombo Radyo international correspondent Nelia Casicadan
Hinoon,giklaro ni Casicadan nga gipadayon pa sa mga otoridad ang pag-imbestigar sa pagkasunog sa dul-ag 850 ka tuig na nga simbahan.
