CAGAYAN DE ORO CITY – Gikakurat sa basketball fans ang gilugwa nga survey sa BetOnline diin 47 sa mga estado ang pabor nga makuha sa Toronto Raptors ang kampeonato sa NBA finals batok defending champion Golden State Warriors sa Amerika ning tuiga.
Kini human bugtong estado sa California, Nevada ug Hawaii lamang ang uyon nga masakmit sa Warriors ang tinguha niini nga ikaupat nga kampeonato sa NBA.
Nasuta sa survey sa BetOnline nga mas daghan ang miggamit sa hashtag nga ‘WeTheNorth’ alang sa Raptors itandi sa hashtag DubNation nga iya sa Warriors.
Sa gilugwa usab nila nga ‘Geotagged Twitter Data’ nga ganahan sila sa Warriors nga ilhon nga lig-ong NBA sports team apan daw gipul-an na ang fans ug gusto na usab nila nga may laing magkampeon.
Dugtong niini,gidasig ang NBA fans nga mamati sa Bombo Radyo blow by blow coverage sa game 1 sa duha ka team diin himoon sa homecourt sa Raptors sa alas 9:00 sa buntag ugmang adlawa.
