CAGAYAN DE ORO CITY – Gihagyo’g balik sa liderato sa 4 Infantry Division,Philippine Army ang nabiling 30 porsiento na lang sa Communist Party of the Philippines -New People’s Army o CPP-NPA nga naglihok sa Northern Mindanao ug Caraga regions nga isalikway sa hingpit ang armadong pakigbisog nga wala na’y direksyon.
Kini human nakunhuran pa sa sobra 70 porsiento ang puwersa sa maong grupo sukad sa miaging tuig.
Miingon si 4ID asst division commander Brig Gen Consolito Yecla nga aron dili mabutang sa peligro ang nabiling mga rebelde, dili na hulaton nga makaabot pa sa ilang tugkaran ang sobra 70 porsiento sa tropa sa Philippine Army nga natahasan pagpulbos kanila.
Hisayrang sulod ning bulana,anaa sa dul-an 40 ka NPA members ang mitahan sa nagkadaiyang batallions nga ubos sa 403rd IB,Philippine Army nga nakabase sa Bukidnon.
