CAGAYAN DE ORO CITY – Gradong 8 hangtod 9 ang nadawat sa 4ID,Philippine Army pag-abot sa ilang kampanya kontra mga kalihukan sa CPP-NPA ubos sa ilang area of responsibility nga naglakip sa tibuok Caraga ug tulo ka lalawigan sa Northern Mindanao regions.
Kini kon ang mismong 4ID ang ihatag sa grado kabahin sa walay hunong nila nga paggukod sa mga nabiling sakop sa mga rebelde ug mga tig-suporta niini.
Miingon si 4ID spokesperson Lt Col Francisco Garello Jr nga tipik sa ilang basehan ang nahurot nga pagkabungkag sa tanang guerilla fronts sa CPP-NPA nga naglihok dinhi sa rehiyon.
Siya miingon nga dako’g natabang ang NTF-ELCAC nga unang napatuman sa panahon ni kanhi Pres Rodrigo Duterte diin nahatagan sa ensaktong timbang ang militarya sa pagtubag sa panginahanglan sa katawhan sa kabaryuhan.
