CAGAYAN DE ORO CITY – Gitawag sa 4ID,Philippine Army nga desperadong lakang ang gihimo sa CPP-NPA nga pagsunog sa minilyong balor sa cassava facility nga nahimutang sa Sitio Kalipay,Brgy San Luis,Malitbog,Bukidnon.
Kini ang paghulagway ni 4ID spokesperson Major Joe Patrick Martinez kabahin sa wala kapugngi nga pagpangatake sa mga rebelde sa maong patigayon nga iya ni King Ragandang Zayas sa miaging Abril 5.
Miingon si Martinez nga nagpatoo na lang ang mga rebelde nga anaa pa ang ilang puwersa taliwala nga daghan na sa mga kauban niini ang misalikway sa armadong kalihukan tungod sa wala na’y klarong direksyon
Gani, human napatay sa engkuwentro ang nabiling pinakataas nga NPA kumander sa Mindanao nga si Myrna Sularte alyas Ka Malaya sa Butuan City sa miaging Pebrero ning tuiga,sunod-sunod usab nga mi-surrender ang iyang security close aide sa military didto sa Caraga region.
