CAGAYAN DE ORO CITY -Dili makabalda sa kasundaluhan alang sa ilang walay hunong nga mga operasyon batok sa CPP-NPA bisan kon anaa sa pagbalaan ang katawhan sa semana santa.
Kini maoy pasalig sa 4ID,Philippine Army nga nakatutok sa paghatag seguridad sa mga probinsya nga naglakop sa Northern Mindanao ug Caraga regions.
Miingon si 4ID spokesperson Lt Col Francisco Garello Jr nga dili nila gusto nga dunay mahitabo nga rebel attacks susama sa ubang lugar sa miaging pag-obserbar sa semana santa.
Namahayag si Garello nga tahas sa ilang mga sundalo nga sumpuon ang naka-plano nga sabotahe sa NPA nga nagsaulog sa laing anibersaryo nila sulod ning adlawa.
Samtang gipatuman usab sa sa Police Regional Office 10 ang target hardening measures partikular sa mga lugar diin hinay ang kapasidad sa ilang mga pulis dinhi sa rehiyon.
Gipasabot ni PRO 10 spokesperson Police Maj Joann Navarro nga tuyo niini nga dili makahigayo nang CPP-NPA pag-atake samtang gisaulog nil ang ilang anibesaryo ning tuiga.
Miingon si Navarro nga kanunay ang ilang koordinasyon sa militar samtang nakaisa ang taas nga alerto batok NPA attacks sulod ning semana santa.
