CAGAYAN DE ORO CITY – Wala makahimo’g bisan unsa nga pagpangatake ang New People’s Army nga nagsilbing arm wing sa Communist Party of the Philippines sa mga lugar nga sakop sa hurisdiksyon sa 4ID,Philippine Army kagahapong adlawa.
Kini gumikan kay dugay nang naglusad sa focused military operations ang lower units sa Philippine Army aron dili na makakuha’g balik sa simpatiya ang CPP-NPA nga napainga’g maayoo epekto sa ‘whole of the nation approach’ sa gobierno.
Gihimo ni Army Lt Col .Francisco Garello Jr,tigpamaba sa 4ID,Philippine Army ang kompirmasyon nunot sa ika-56 ka tuig nga kasaulugan sa CPP kagahapon.
Miingon si Garello nga bisan dili na halos makahimo’g pagpanghasi ang teroristang grupo apan wala sila’y gihatag nga kumpiyansa aron dili matugaw ang kahusay’g kalinaw sa katawhan sa Northern Mindanao ug Caraga regions.
