CAGAYAN DE ORO CITY -Walay hulga sa seguridad sa rehiyon apan kaayuhan pabor sa dugang kaalam sa kasundaluhan ang pagtunob sa mga sundalong Kano sa pipila ka bahin sa Northern Mindanao.
Kini ang subling paghupay ni Lt Col Joe Patrick Martinez,tigpamaba sa 4th ID,Philippine Army kabahin sa pila ka adlaw nga presensiya sa US Marine Corps sa dakbayan ug Bukidnon alang sa Balikatan Exercises.
Miingon si Martinez nga kinahanglan nila pag-ayo ang mga kahibalo sa US forces ilabina nga gitinguha sa Armadong Kusog sa Pilipinas nga mahimong ‘world class’ ang mga sundalong Pilipinhon sa umaabot nga katuigan.
Siya miingon nga dili angay maguol ang katawhan kay kung adunay dakong supak nga magkagubot ang Pilipinas,mismo sila nga mga sundalo kay sila man ang unang moatubang aron panalipdan ang soberinya niini.
Hisayrang 41 ka tuig nang naglihok ang Visiting Forces Agreement tali sa Pilipinas ug Estados Unidos diin apil ang katukuran sa Enhanced Defense Agreement Cooperation/EDCA nga naporma nga makita sa siyam ka strategic locations nga apil sa Cagayan de Oro City.
