CAGAYAN DE ORO CITY – Gi-absuwelto sa board of inquiry o BOI nga nakagamit sa ilegal nga droga ug hubog hinungdang naglasong ang sundalo ayha namusil-patay sa upat ka kauban samtang pulos tulog sa barracks sa Service Support Battalion Compound,4ID,Philippine Army Headquarters nga nakabase sa Camp Edilberto Evangelista,Barangay Patag sa syudad.
Kini subay sa resulta sa imbestigasyon sa BOI nga mituktok sa gihimong pagpamusil ni Army Pvt Johmar Villabito,37 anyos,ulitawo ngadto sa mga namatay’ng biktima nga sila si Army Sgt. Rogelio Rojo, Cpl. Bernard Rodrigo, PFC Prince Kevin Balaba ug Pvt. Joseph Tamayo.
Gibutyag ni 4ID spokesperson Army Maj. Francisco Garello Jr nga pakyas ang BOI makakita’g basehan aron pamatud-an ang pagduda nga naggamit sa ilegal nga droga si Villabito hinungdan nga mabuhat niya ang pag-unay’g patay sa iyang mga kauban.
Apan giapil usab sa mga imbestigator ang pagsubay sa personal nga kalihukan sa suspek kinsa walay benepisyo nga madawat gumikan sa nahimong kremin sulod sa kampo sa miaging Sabado sa kadlawon.
Sa pikas bahin,gitahasan ni PNP chief Gen Rodolfo Azurin Jr ang lower unit officials nga sutaon ang stress ug depression level sa mga pulis nga ubos sa ilang hurisdiksyon.
Kini samtang kabahin ang maong aspeto sa gisusi sa board of inqury o BOI nga miimbestigar sa pagpamusil-patay ni late Private Johmar Villabito ngadto sa iyang upat ka natulog lamang nga mga kauban sa baraks sa Service Support Battalion Compound,4ID,Philippine Army sa miaging semana.
Gibutyag ni Azurin nga angayang kanunay kining masusi sa ilang senior officers nga kondisyon sa ilang mga kauban aron dili hangtod na lamang sa kabasulanan.
