CAGAYAN DE ORO CITY – Tak-upan na ni 4ID commanding general Major General Jose Maria Cuerpo II ang iyang karera sa pagkasundalo sa Enero 19 sunod tuig.
Kini maoy iyang gisulti atubangan sa mga sakop sa media nga mitambong sa Christmas Fellowship nga gilusad sa Division of Public Affairs Office (DPAO) sulod sa Kampo Evangelista,Brgy Patag ning syudad.
Gibutyag ni Cuerpo kinsa sakop sa Philippine Military Academy “Bigkis-Lahi” Class 1990 nga nagpasalamat kini sa mga sakop sa media nga nagbalita sa ensakto ug walay pagpasobra haom sa ilang mga programa ingon man internal security operations sa Northern Mindanao ug Caraga regions.
Siya miingon nga tungod sa pag-abag sa media, nakuha sa 4ID ang kalampusan batok sa insurhensiya nga dakong bahad sa seguridad sa kahusay’g kalinaw sa nasud.
Si Cuerpo kinsa lumad taga-Iligan City ang mipuli kang retired 4ID commander Major General Wilbur Mamawag nga lunsay usab taga-Cagayan de Oro City.
Hisayrang sa wala pa ang media fellowship nga tinambungan sa 4ID top officials, mihimo una sa panagtagbo ang press corps officials alang sa mga plano sa tuig 2025.
Kini ayha naglusad sa ‘Larong Pinoy’ nga gisalmutan sa mga sakop sa prensa nga ubos sa 4ID.
Kini gilakiapn sa Caraga region,Bukidnon,Iligan City ug Misamis Oriental-Cagayan de Oro City kagahapong adlawa.
