CAGAYAN DE ORO CITY- Nakasuhan na sa paglapas sa Comprehensive Dangerous Drugs Act of 2002 ang usa ka babayeng beneficiary sa 4P’s ug kauban niini human nasikop sa gihimong drug buy-bust operation sa Capt. Vicente Roa St. Brgy 30 ning syudad.
Giila ang mga suspek nga sila Baima Jadjisamad,31 anyos nga taga- Brgy Macasandig ug Paul Torres,30 anyos nga taga-Brgy Carmen sa syudad.
Gibutyag ni Cogon Police Station commander Capt. Ernesto Sanchez nga nakuha sa posisyon sa duruha ang sobra’g gatus gramos nga gitoohang shabu.
Kini balor sa kapin milyon ka pesos dihang gipaubos sa buy bust operation sa miaging gabii.
