CAGAYAN DE ORO CITY – Luwas ra nga ang duha ka bata ug medical staff nga nakasakay sa nabanggaan nga ambulansiya sa military truck nga iya sa 4th ID,Philippine Army sa crossing sa Recto ug Corrales Avenue ning syudad gabii.
Gibutyag sa Jasaan District Hospital ambulance driver nga si Arnel de la Cruz nga paliko na kini padulong sa Northern Mindanao Medical Center sa dihang nabanggan sa army truck nga dunay sakay nga mga sundalo.
Natumba ang ambulansiya apan wala maunsa ang mga sakay nga pasyente ug nadali gihapon pagdala sa emergency room sa NMMC.
Giimbestigaran pa sa mga otoridad kon kinsa angay manubag sa hitabo.
