CAGAYAN DE ORO CITY – Gihulat pa sa liderato sa 4th ID,Philippine Army kon kinsa ang magsilbi nila nga bag-ong commander isip hulip kang Maj Gen Andres Centino nga may bag-ong assignment sa Camp Aguinaldo sa kauluhan.
Kini human siya tudlua ni Pres Rodrigo Duterte isip bag-ong pinakataas nga opisyal sa Philippine Army nga magsilbing hulip usab sa gitakdang mo-retiro nga si Lt Gen Jose Faustino.
Miingon si 4th ID spokesperson Maj Jhun Cordero nga garbo sa Northern Mindanao ug Caraga Regions nga si Centino ang napili nga mangulo sa Philippine Army sa nasud.
Mo-epekto ang bag-ong tahas ni Centino sa Pebrero 15 ning tuiga.Si Centino kinsa cum laude ug Faustino ang mistah sa PMA Class 1988.
