CAGAYAN DE ORO CITY-Ipadayon sa militar inabagan sa kapolisan ang ilang opensiba batok CPP-NPA-NDF ubos sa duha ka rehiyon sa Mindanao.
Gihimo ni 4th ID, Philippine Army commander Maj Gen Ronald Villanueva ang katin-awan nunot sa milugwa nga magpatuman sila sa ‘stand down’ order sa tropa aron di matandog ang mga rebelde.
Miingon si Villanueva nga bugtong si Pres Rodrigo Duterte lamang ang makasugo kanila pinasubay sa balaod ug dili ang bisan kinsa nga grupo.
Gihagit usab sa liderato sa AFP ug PNP ang local govt units o LGUs nga dili magtanga apan moabag sa pagmintinar sa kahusay’g kalinaw.
Gihimo ni Villanueva ang hagit aron mapadali ug mapasayon ang pagtunol sa batakang serbisyo ilabina sa mga tawo nga atua sa kabukiran.
Miingon si Villanueva nga dili nila usikan ang pondo sa gobierno sa mga programa nga dili direktang maka-benepisyo ang katawhan sa nasud.
