Miretire na uban ang kalampusan nga kapin 80 porsyento sa napugngan ug napasurrender nga mga miyembro sa New People’s Army si 4th Infantry Diamond Division Philippine Army Commander Major General Michelle Anayron.
Sumala sa pamahayag ni 4th ID Spokesperson Lieutenant Colonel Joe Patrick Martinez sa Bombo Radyo, kapin 200 ka identified nga miyembro sa NPA sa Caraga ug Region 10 ang ilang nasubay, ug karon 26 na lang ka indibidwal ang kasamtangang gimonitor ug padayon nga ginakombinsi nga mubalik ug makig‑areglo sa gobyerno.Alang sa 4th ID, dako kining kadaogan.
Gibutyag ni Martinez nga dakong garbo nila ang liderato sa outgoing 4th ID Commander tungod kay pinaagi sa kaalam ug istilo sa iyang pamuno, nakuha nila ang halos imposible nga 86 porsyento sa pagtabang sa mga walhong grupo nga mibalik na sa sabakan sa gobyerno ug magkinabuhi na sa malinawon.
Dugang pa ni Martinez, bisan pa nga mubiya na sa posisyon ang outgoing Commander, magbilin kini og direksyon nga gitinguha nga mahimong insurgency‑free ang duha ka rehiyon.
