CAGAYAN DE ORO CITY-Gipangandaman na sa 4th ID,Philippine Army ang mga posibleng laraw sa CPP-NPA-NDF nga mohimo’g pag-atake batok sa gobierno dinhi sa rehiyon.
Kini alayon sa gitakdang pagsaulog sa mga komunista sa laing anibersaryo sa Disyembre 26 ning tuiga.
Gibutyag ni 4th ID spokesperson 1Lt Tere Ingente nga walay himoon nga pag-lower down sa ilang tropa aron masanta ang kalihukan sa mga rebelde.
Dugang ni Ingente nga unta nagsilbing pagpadumdom sa AFP ug PNP ang gihimo nga grenade explosion sa NPA sa kampo sa mga pulis diin tulo ka ang nahimong samaron sa San Fernando,Bukidnon sa miaging adlaw.
Nasayran nga daghang tropa sa militar ang gibubo sa mga lugar nga sakop sa 4th ID aron paspas masumpo ang kasamok nga dala sa mga rebelde.
