CAGAYAN DE ORO CITY-Mopadala sa dugang puwersa ang 4th Infantry Division, Philippine Army aron tabangan ang 1st ID,Philippine Army paghatag seguridad sa mga botante sa plebesito sa unom ka lungsod sa Lanao del Norte.
Kini kon gikinahanglan sa AFP Western Mindanao Command o WesMinCom ang tropa gikan sa 4th ID alang sa maong kalihukan sa Pebrero 6 ning tuiga.
Miingon si 4th ID Commanding Maj Gen Ronald Villanueva nga tuyo niini nga dili masabotahe ang plebesito bisan nga daan nang supak ang liderato sa provincial govt sa Lanao del Norte nga maapil sa Bangsamoro Autonomous Region in Muslim Mindanao o BARMM.
Una nang gibulgar ni Defense Secretary Delfin Lorenzana nga adunay himoong pagpamomba ang mga terorista sa himoong BOL plebiscite.
Samtang giangkon ni AFP Western Mindanao Command Armed Forces of the Philippines spokesperson Lt. Col. Jerry Besana nga adunay mga tawo nga laraw pugngan ang plebesito sa pipila ka bahin sa Mindanao.
Miingon si Besana nga may nahitabo pa nga engkwentro sa militar batok elemento sa Bangsamoro Islamic Freedom fighters sa Maguindanao.Hinoon giklaro ni Bessana nga walay naangol sa panig sa gobierno.
Nakumpiskar nila ang pipila ka armas ug mga gamit pambomba sa mga terorista. Una nang gideklarar ni Pres Rodrigo Duterte nga special non-working holiday ang Enero 21 ning tuiga sa area nga sakop sa ratipikasyon sa Bangsamoro Organic Law.
Gibutyag ni Besana nga tumong sa dekralasyon sa presidente ang paghatag sa higayonan sa katawhan nga makaapil sa plebisito sa BOL sa maong lugar.
Masaligon si Besana nga magmalinawon ang makasaysayanong kalihukan.
