CAGAYAN DE ORO CITY – Dili undangan sa 4th ID,Philippine Army ang paggukod sa aktibong mga sakop sa CPP-NPA nga giila nila nga dakong bahad sa kahusay’g kalinaw ingon man sa kalambuan dinhi sa rehiyon.
Kini ang panganti ni 4th ID spokesperson Maj Francisco Garello Jr nunot sa laing selebrasyon sa anibersaryo sa rebeldeng NPA ning adlawa.
Gibutyag ni Garello nga dili nila hatagan sa higayon makahimo’g dugang kagubot ang mga rebelde apan kini ilang abugon layo sa mga sibilyan.
Sulod ning adlawa,mohimo’g dungan nga konsyerto ang 4th ID ug Cagayan de Oro City Police Office personnel diha sa Kiosko Kagawasan ning syudad.
Hisayrang sa wala pa ang maong kalihukan sa armadong grupo,may natigayon nga mga engkuwentro sa 58th IB batok Guerilla Front Hwuaie sa Misamis Oriental diin dunay tulo ka rebel members ang namataya sa miaging semana.
