CAGAYAN DE ORO CITY-Gihagit sa liderato sa 4th ID,Philippine Army ang CPP-NPA nga magmatinud-anon sa pakig-negosyar sa hisgutanang kalinaw ngadto sa gobierno.
Kini human unang gibutyag ni President Rodrigo Duterte nga andam niyang ablihan pagbalik ang negosasyon sa peacetalks kuyog ang mga komunista.
Miingon si 4th ID spokesperson 1Lt Tere Ingente nga dili na nila gusto masubli nga mahitabo ang pag-traydor sa NPA diin tulo ka sundalo ang brutal nila gipatay sa Bukidnon samtang nagpadayon ang ceasefire sa miaging katuigan.
Samtang subli giawhag ang mga dismayado nga miembro sa rebeldeng New People’s Army o NPA nga mokanaug na sa kabukiran ug motahan balik sa gobierno.
Gihimo ni Ingente ang apelar dungan sa laraw ni President Rodrigo Duterte nga makig-negosyar balik sa CPP-NPA aron makab-ot ang kahusay’g kalinaw sa nasud.
Miingon si Ingente nga kapin 3-mil ka sakop ug supporters na sa CPP-NPA ang boluntaryong mi-surrender ug nakabalik sa ilang mga pamilya.
Nasayran nga kabahin sa mga mitahan nga mga rebelde gikan sa Mindanao ang gipasuroy nga libre sa gobierno sa Hongkong sa miaging tuig.
