CAGAYAN DE ORO CITY-Ikapildi lamang sa mga sundalo ni Pres Rodrigo Duterte ang panganti niini nga hingpit pulbuson ang CPP-NPA ilabina sa Mindanao.
Namugos si Ka Malem Mabini,tigpamaba sa CPP-NPA’s North Central Mindanao Sub-Regional Committee nga dili makatarog sa ilang pakigbisog ang pagbahad ni Pres Duterte batok kanila.
Gani,gikataw-an lamang sa mga komunista ang presentasyon sa militar nga daw adunay mga NPA member nga mibalik sa gobierno.
Samtang gitawag sa 4th ID,Philippine Army nga mga desperado na ang naglangkob sa CPP-NPA.
Kini maoy tubag ni 4th ID spokesperson 1Lt Tere Ingente sa pasiatab ni Mabini nga dili makapildi kanila ang gobierno.
Miingon si Ingente nga kon lig-on pa ang mga komunista,dili kini magpa-interbyu sa pamasin nga makadani’g bag-ong miembro ug dili talikdan sa ilang kaubanan diha sa kabukiran.
Una nang gibutyag sa Bombo Radyo ni 4th ID commander Maj Gen Ronald Villanueva nga dili lalim ang proseso sa pagpatahan sa mga NPA combant ilabina nga gihimo ang sub-sob nga background checking niini.
