CAGAYAN DE ORO CITY-Gitawag sa 4th ID Philippine Army ang rebeldeng New Peoples Army nga nagdamgo sa ilang ambisyon nga mopatay sa usa ka sundalo matag adlaw.
Matud ni 4th ID spokesperson 1Lt. Tere Ingente nga nakadawat sila’g intelligence report nga plano sa mga armadong grupo nga mopatay sa usa ka sundalo matag adlaw base usab sa kamanduan ni CPP-NPA-NDF founder Joma Sison.
Apan,gitawag ni Ingente nga damgo lamang ang laraw sa mga NPA tungod kay mas pakusgan pa nila ang ilang kampaniya batok sa insurhensiya.
Samtang gitin-aw ni Inghente nga ilang sundon ang kamanduan ni Pres Rodrigo Duterte nga pukanon ang rebeldeng New Peoples Army.
Apan,gitin-aw niini nga dili ang pahayag sa presidente nga mopatay sa tag-lima ka rebelde matag adlaw.
Siya miingon nga dili kini ang bu-ot ipasabot ni Pres Duterte nga mopatay sa mga armadong grupo, gusto lang ipaabot sa punong ehekutibo nga dili undangon sa armadong kusog ang hugot nga kampaniya batok sa mga gitawag nga terorista.
