CAGAYAN DE ORO CITY-Gitawag ni 4th ID commander Maj Gen Ronald Villanueva nga gipaluyuhan sa leftist groups ang tribung Tagtabolon gikan sa Lagonglong nga nagbakwit sa provincial capitol park sa syudad.
Miingon si Villanueva nga gusto pa niini nga dugangan ang kadaghan sa mga lumad bakwit aron mahurot ang salapi nga gigamit sa grupo nga nagpaluyo kanila.
Gibutyag ni Villanueva nga dili angay hataga’g simpatiya ang maong grupo kay gigamit lamang sila sa CPP-NPA-NDF aron makakuha’g simpatiya gikan sa publiko.
Una niini,gisaway ni Tagtabolon spokesperson Sarisa Acosta ang militar nga walay tahod sa ilang kultura rason nga gusto nila kining ipapahawa sa maong lungsod.
Namugos si Acosta nga kon sila NPA pa,dili sila mohimo’g pagbakwit sa parke ug ipag-antos ang ilang mga anak sa katun-og ug polusyon sa palibot.
