CAGAYAN DE ORO CITY-Gipasidan-an karon sa 4th ID,Philippine Army ang mga politiko ilabina ang mga kandidato nga molambigit sa 2019 midterm elections nga likayan ang pagpaduol sa mga rebeldeng New People’s Army o NPA.
Kini human kumpirmaha ni 4th ID commander Maj Gen Ronald Villanueva nga ubay-ubay na nga mga mayores ang napanid-an nila nga nagsuporta sa kalihukan sa mga rebelde.
Miingon si Villanueva nga gitugyan na usab nila sa DILG ang pangalan sa maong mga politiko aron manubag sila kon ugaling mapanatud-an nga naghatag suporta sa mga kontra sa gobierno.
Sa pikas bahin,gipaniguro sa kontrobersyal nga si Police C/Insp Jovie Espenido nga makalusad sa patas ug malinawon nga piliay ang katawhan sa Ozamiz City sa 2019 midterm elections.
Gihimo ni Espenido ang panganti dungan sa direktang mando ni Pres Rodrigo Duterte kaniya nga hipuson ang tanang badlungon ug naghatag peligro sa seguridad sa katawhan sa Ozamiz City.
Miingon si Espenido nga itugyan niya sa katawhan ang paghukom sa mga kandidato nga ilang pilion samtang hatagan sa hugot nga seguridad ang dagan sa piliay sa sunod tuig.
