CAGAYAN DE ORO CITY-Gipangayo sa 4th ID,Philippine sa liderato sa PNP-10 nga masilotan ang mga pulis nga responsable sa giingong pagsumbag sa ilang duha ka sundalo sa Manolo Fortich,Bukidnon.
Kini human naalarma ang Camp Aguinaldo sa gidangatan nila ni PFC Brian Anco ug PFC Armand Gentiles diin giingong gikulata sa pipila ka pulis sa miaging semana.
Gibutyag ni 4th ID,Philippine Army spokesperson Capt Joe Patrick Martinez nga dili mga kriminal ang ilang sundalo sukwahi sa gipakita nga video footage nga trending sa social media.
Samtang gitambagan ni PNP regional spokesperson Supt Lemuel Gonda ang pipila ka sundalo nga dili magpadala sa emosyon sa nasikop nila nga kauban sa Manolo Fortich,Bukidnon sa miaging semana.
Gibutyag ni Gonda nga angay sabton sa militar ang trabaho sa kapolisan aron kalikayan nga ma-ignorante sa balaod.
Gisikop sila Anco ug Gentiles sa reklamo sa bus driver nga sobra ka saba diin na-disturbo ang ubang mga pasahero.
Hisayrang maoy misikop sa duha ka sundalo sila si PO2 Mar Torregosa ug PO1 Laurence Macalos nga sakop sa Manolo Fortich Police Station.
