CAGAYAN DE ORO CITY-Giawhag subli sa 4th ID,Philippine Army ang mga rebeldeng New People’s Army o NPA nga isalikway na sa hingpit ang pakig-away ug mobalik na sa gobierno.
Gihimo ni 4th ID spokesperson 1Lt Tere Ingente ang panawagan tungod sa pakigkita sa 120 ka NPA surrenderees kang Pres Rodrigo Duterte sa Malakanyang ning bulana.
Miingon si Ingente nga mismo sila ang mokuha sa mga motahan nga NPA members kon ugaling bug-os na ang ilang hukom sa pagbalik sa kagamhanan.
Kini na ang ikatulong batch sa NPA surrenderees nga himamaton ni Pres Duterte diin sila dalitan sa panihabon sa Malakanyang ug ipasuroy-suroy sa kauluhan.
Una nang namahayag si 4th ID commander Maj/Gen Ronald Villanueva nga abli ang ilang ganghaan sa pagdawat sa mga NPA nga motahan na sa kaugalingon aron manginabuhi nga normal kuyog ang mga pamilya niini.
