CAGAYAN DE ORO CITY-Dugangan sa duha ka army batallions sa Camp Aguinaldo ang 4th ID,Phippine Army nga naghatag seguridad dinhi sa Mindanao.
Kini isip pagpakusog sa military operations batok sa rebeldeng New People’s Army o NPA nga naglihok sa Caraga ug Northern Mindanao regions.
Gibutyag ni Capt Joe Patrick Martinez,tigpamaba sa 4th ID,Philippine Army nga partikular nga pahimutangan sa dugang sundalo ang Bukidnon tungod sa daghang mga rebelde sa maong lugar.
Una nang gipangandaman sa militar ug kapolisan ang giingong dugu-ong engkuwentro isip tubag sa himoong pag-atake sa mga rebelde ilabina nga deklarado sila ni Pres Rodrigo Duterte isip mga terorista sa nasud.
Samtang gikalipay ni PNP-10 spokesperson Supt Lemuel Gonda nga mapahimutang ang bag-ong army batallion sa Bukidnon.
Kini human angkona ni Gonda nga lig-on pa ang puwersa sa rebeldeng New People’s Army nga naglihok sa maong probinsya.
Miingon si Gonda nga dako kini’g matabang ilabina nga walo sa police stations sa PNP-10 ang taas ug porsiento nga atakehon sa mga rebelde.
Samtang magsilbing third party facilitator ang tanan lideres sa IFI aron mahimong peacemaker.
Personal nga gisugyot ni IFI Bishop Felixberto Calang nga mupadala sila’g sulat sa Office of the Presidential Adviser on the Peace Process kon OPAPP aron subling mabuksan ang hisgutanang pangkalinaw sa gobyerno tali na sa rebeldeng sakop sa New Peoples Army.
Sayud si Calang nga gibungkag na Duterte ang ilang gitinguha nga peace talks busa, gihangyo usab sa IFI ang NPA nga mokalma ug dawaton una ang kagustuhan sa gobierno ayha mupadayon sa ilang sunod nga hangyo.
