CAGAYAN DE ORO CITY-Nagsaka pa sa kapin 3-mil ka miyembro ug supporters sa rebeldeng New People’s Army o NPA nga ubos sa mga lugar nga sakop sa 4th ID,Philippine Army sa Mindanao.
Kini sukad gimando ni Pres Rodrigo Duterte sa mga ahensiya sa gobierno nga kumbinsihon ang NPA rebels nga pagsalikway sa armadong pakigbisog batok sa gobierno.
Miingon si 4th ID spokesperson It Lt. Tere Ingente sa tuig 2017 hangtud 2018, sunod sunod nga mikanaug gikan sa bukid ang dul-ag 300 ka NPA mass surrenderess. Bunga kini sa “extra ordinadry” nga mga lakang ni Pres Duterte aron ma-awhag ang mga rebelde nga makighiusa sa gobyerno ug mabuhi nga walay dalang armas balik sa komonidad.
Ubos sa Duterte administration,gihatagan sa balay, financial assistance ug trabaho ang mga nag-surrender NPA rebels.
Samtang gimatud-an sa kanhi sakop sa NPA rebel nga si alyas Monica kon unsa kalisod ang makigbatok sa gobierno pinaagi sa rebolusyon.
Kini ang gibulgar ni alyas Monica nga dose anyos pa nagsugod sa pagsulod sa kalihukan gumikan sa pag-ilad sa mga NPA aron kontrahon ang gobierno.
Giangkon ni Monica nga sukwahi sa gisaad sa mga NPA,dili tinood ang pasalig nga gihatag kanila ilabina ang pagsulbad sa dagkong suliran nga giatubang sa nasud.
Kini ang hinungdan nga mitahan si alyas Monica ubos sa liderato ni Duterte diin siya usa na ka aktibong sundalo ubos sa 4th ID,Philippine Army.
