CAGAYAN DE ORO CITY – Gi-depensa sa 4th ID,Philippine Army kuyog ang Police Regional Office 10 sa ilang pag-aresto pinaagi sa search warrant sa suspected member sa CPP-NPA nga aktibong lumilihok sa Iglesia Filipina Independiente o IFI ning syudad.
Kini human gidakop sa special units sa AFP ug PNP si Aldeem Yañez kay giingong nakuhaan sa duha ka granda,kalibre 45 nga armas,mga bala ug ubang high intelligence value nga mga dokumento sa balay niinii sa Urban Poor Village,Brgy Iponan ning syudad.
Gibutyag ni 4th ID spokesperson Maj Francisco Garello Jr nga nagsilbi nga regional urban committee secretary ang suspek ug may kalambigitan sa extortion activities sa Misamis Oriental ug Bukidnon.
Samtang gikondinar sa pamilyang Yañez ug liderato sa IFI ang tumo-tumo nga akusasyon ngadto sa aktibista nga si Aldeem Yañez.
Kini human nag-atuang sa kasong illegal possesion of firearms ug explosives ang suspek sa piskalya ning dakbayan.
Gibutyag ni Germany based IFI Rev Fr June Mark Yañez,igsoon sa dinakpan nga dakong bakak ug planted ang armas,mga granada ug bala nga nakompiskar sa mga otoridad sa ilang acenstral house sa Brgy Iponan sa kadlawon sa Domingo.
Namahayag kini nga milihok na ang grupo sa mga abogado aron kuwestiyon ang gihimo sa gobierno ngadto sa ilang igsoon.
