CAGAYAN DE ORO CITY – Gipaniguro sa 4th ID,Philippine Army sa publiko nga intact ug dili magpadala sa dikta sa politika aron lumpagon ang gobierno nga gipanguluhan ni Pres Rodrigo Duterte.
Gihimo kini ni 403rd IB Brig Gen Ferdinand Barandon nga garantiya tungod sa pagkaylap sa propaganda nga dunay aktibo ug retiradong mga heneral sa AFP nga mibakwi na sa suporta kang Duterte epekto sa pagkawalay aksyon sa gobierno batok sa ilegal nga pag-okupar sa China sa West Philippine Sea.
Miingon si Barandon nga dili mahitabo nga magpagalong sila sa mga politiko nga posiblen gisakyan usab sa CPP-NPA kay naka-pokus kini sa ilang tahas nga paghatag proteksyon sa katawhan sulod sa estado.
Hisayrang bisan si AFP chief of staff General Cirilito Sobejana ang mihimakak usab nga dunay giluto nga desbalization plot aron lumpagon ang administrasyon.
