CAGAYAN DE ORO CITY – Ipadayon sa bag-ong lingkod nga commander sa 4th ID,Philippine Army nga si Brig Gen Wilbur Mamawag ang tahas nga pagpuhag sa kalihukang insurhensiya nga gibilin ni retired commanding officer Brig Gen Oliver Vesliño.
Kini human pormal nang misugod sa trabaho si Mamawag kinsa lumad nga taga-dinhi sa dakbayan.
Miingon ang heneral nga usa sa labing dako nga tahas nga gilayon nila hatagan sa hugot nga seguridad ang taliabot nga piliay sa Mayo 9 ning tuiga.
Naglihok ang mga sundalo sa dibisyon sa pipila ka probinsya sa Northern Mindanao ug sa tibuok Caraga.
Samtang gilugwa na sa AFP ang halos gatus-milyones pesos nga operational funds aron gamiton sa tanang lower units sa pagtapos sa ilegal nga kalihukan sa CPP-NPA-NDF ubos sa administrasyon ni Pres Rodrigo Duterte.
Gibutyag ni Philippine Army commanding general Lt Gen Romeo Brawner Jr nga tuyo niini nga makalihok pa sa dugang operasyon ang tropa batok sa mga rebelde ilabina dinhi sa Mindanao region.
Gihimo sa heneral ang anunsyo dungan sa iyang pag-preside sa change of leadership tali ni retired commander Brig Gen Oliver Vesliño ug incumbent 4th ID commanding officer Brig Wilbur Mamawag sa Camp Evanglista,Brgy Patag ning syudad.
