CAGAYAN DE ORO CITY- Patay ang miembro sa rebeldeng New People’s Army o NPA samtang ubay-ubay ang samaron sa engkuwentro sa Sitio Mahan-aw,Barangay Bulonay,Impasug-ong,Bukidnon.
Miingon si 4th ID spokesperson Capt Joe Patrick Martinez nga gikataho sa pipila ka sibilyan sa militar ang presensiya sa NPA hinungdan nga gilayong na-respondihan ug nagresulta pila ka minutos nga engkuwentro.
Gilayong gidalikyatan sa 403rd Infantry Brigade ang encounter site apan wala na nila maabti ang giingong mga samarong rebelde kay paspas nakasibat.
Nakuha sa militar ang usa ka AK 47 rifle nga iya sa napatay nga NPA member.
Gitugyan na usab ngadto sa local govt unit ang patay’ng lawas sa maong rebelde aron mahataga’g disente nga lubong.
