CAGAYAN DE ORO CITY – Gimonitor sa 4th Infantry Diamond Division ang pagpamomba nga nahitabo sa Indanan, Sulu nga gikamatay sa walo katawo.
Sa programang Good Morning Philippines, gibutyag ni 4th ID spokesperson Capt. Reggie Go nga hugot nga checkpoints ang gipatuman sa entry points sa Cagayan de Oro sa pagseguro nga dili kini masudlan sa mga teroristang Abu Sayaff.
Siya miingon nga negatibo man sa presensya sa mga terorista ang dakbayan apan dili gihapon kini angayang kumpyansahan hinungdan nga hugot ang koordinasyon karon nga gihimo sa kapulisan ug militar.
