CAGAYAN DE ORO CITY – Nasubo ang liderato sa 4th ID,Philippine Army kabahin sa baruganan sa pipila ka senador nga wad-a’g pondo ang National Task Force -ELCAC nga nagtumong pagtubag sa padayong pagpanglingla sa CPP-NPA sa katawhan sa kabukiran.
Kini human wala magustuhi sa maong mga magbabalaod ang pagbulgar ni NTF ELCAC spokesperson Lt Gen Antonio Parlade Jr nga dunay pipila ka organizers nga konektado sa kalihukan sa mga rebelde.
Miingon si 4th ID spokesperson Maj Jhun Cordero nga dako’g ikatabang ang 19 bilyon pesos nga gigahin nga pondo sa task force aron dili na magapos ang mga sibilyan sa mga propaganda sa CPP-NPA ilabina dinhi sa Northern Mindanao ug Caraga regions.
Tungod sa prangka nga pag-esplikar ni Parlade sa isyu,nagpabati ang mga senador sa pagsaway kaniya ug nagbahad nga sipaon isip tigpamba sa NTF-ELCAC.
