CAGAYAN DE ORO CITY-Padayon nga gisaulog sa katawhan ang ika-101 ka tuig nga Araw ng Talakag sa lungsod sa Talakag, Bukidnon.
Kini bisan gitay-og sila sa 5.0 magnitude nga linog kagahapong adlawa.
Si Talakag Mayor Verhito Factura miingon nga apektado sa linog ang Brgy San Rafael ug Indulang diin adunay mga tunghaan, barangay hall ug mga panimalay ang nangadamyos tungod sa linog.
Siya miingon nga padayon pa nilang gisuta ang kinatibuk-ang damyos sa maong pagtay-og ingon man ang pagsusi sa mga naangol nga residente.