(Update) CAGAYAN DE ORO CITY – Walay natala nga damyos ang miigo nga 5.2 magnitude nga linog sa lungsod sa Amai Manabilang,Lanao del Sur.
Kini ang pagtin-aw ni Amai Manabilang Mayor Saidi Manabilang kabahin sa kabalaka nga dunay damyos nga natala sa hitabo.
Miingon si Manabilang nga may mga liki sa pipila ka istraktura apan dili kini epekto sa hitabo apan sa miagi pang mga linog kaniadto.
Siya miingon nga subay sa pagsusi sa mga sakop sa ilang disaster team,walay nahatag nga kadaot ang maong linog.
Dugtong usab niini,kanunay nagpasidaan si Philvolcs 10 Director Marcial Labininay nga kanunay sundon ang ensaktong gabayan kon dunay mahitabong pagtay-og sa linog.
Hisayrang gawas sa Amai Manabilang natala usab ang magnitude 5 nga linog sa Kalilangan,Bukidnon diin nabati dinhi sa syuda ug lalawigan ang kakusog kagahapong adlawa.
