CAGAYAN DE ORO CITY – Gihatagan sa dinaliang medikasyon ang driver ug upat ka pasahero sa nahitabong bangga sa duha ka passenger vans sa Sitio Alubijid,Poblacion,Villanueva,Misamis Oriental.
Subay sa imbestigasyon sa kapolisan, giila ang mga samaron nga sila Jenny Boy Villar Cruza,49 anyos nga residente sa Surigao City ingon man ang iyang pasahero nga si Kristen Mae Dingal.
Samaron usab ang mga pasahero sa pikas van nga sila Halim Maruhom Rashid;Noraida Aguam ug Samsia Cumpadi Cali nga pulos taga-Calbayog City,Eastern Samar Province.
Dugang sa imbestigasyon nga nawad-an sa preno ang van nga gimaneho sa driver nga si Alinoar Acoon taga-Calbayog City hinungdang gikasungag niini ang van ni Cruza pag-abot sa kurbadang bahin sa kalsada rason sa pagkaangol sa mga biktima.
Kamulo pa ang imbestigasyon ug gilauman nga sa kapolisan nga dunay makab-ot nga panagsabot ang duha ka panig sa maong disgrasya sa lugar.
